Las repeticions d' Ardalh que's passan, en principi, un còp per setmana, shens comptar las òras.

Que i a dus temps : 

Dens lo purmèr,  que s'ageish  de descobrir cants ancians, cercar accòrds e interpretacions, tastejar, trobar navèras colors, batalar, har causidas, ajudar, estar ajudat, tot aquò dens la mei bèra tradicion deu cant polifonic, shens las cagadas de mosca.

Dens lo dusau temps, que hèm aperet a la cultura musicau sapienta : que cau, adara, respectar ritmes e pulsacion, causir las nuanças e tiéner s'i (!).

Ardalh , uei, qu'ei lo resultat de l'encontra, a priòri improbabla, de la musica « sapienta » e deu cant traditionau.